 |
| Pastor Kap Lian Thang |
Pasian na sem sia te siammah te leh pawlpi mite khut ki len in I sep khop dingin Union pan Effort mun za (100) hong sehsak na uh tawh ki zui in UMM nuai aa om Circle or District tawh ki zui in sep sa le gualzawhna te a hi zongin a kisam lai zah cih te a nuai lim bangin hong thei sak ingh. I thanem nate pan in thala in hanciam ciat ni.
Effort mun 100 I bawl na ding lak ah Mun sawm nga le nih (52) ki man ta a, Kha manpha zathum le sawm nga le khat ( 351) ki ngah hi. Tu a ki pan I bawl toh toh lai ding ngim na a om lai mun (48) te a dingin thu ngetna le hanciam khop ding kisam mah mah lai hi hang.
Tu a beisa kum lang sungah I hanciam na te ah lungdam mah mah le thupi thei mah mah hi hang. Topa’n na gim na tawlna te uh hong ciap teh sak tahen la, a om lai kum lang sung in tha thak san pha in Topa gam zai na dingin hanciam khawm ni. A mun a mual in tha hong pia ding hong makaih dingin sia te ki seh kawi kawi a hih man in sia te in zong a mau tavuan tawh kizui in hong hanciam mah mah ding uh hi. I khun sa sepdan bawl dan ding te ah zong lungsim, pumpi ki khat in Topa a dingin hanciam ciat ni.
Tua khit ciangin pawlpi ciat ah i sep I bawl ding peuh peuh pen Committee mah tawh na sem tangh2 un ci in hong hanthawn nuam phapha ingh. Bek tham lo in Biakpiak dan, Neek khawm piakna, Kipii ki teen sak na cih te leh sihvui na cih te khempeuh ah zong pawlpi thukhun le sia te khutlet laibu te zong I hih theih zah in I zuih zawh na dingin kong hanthawn phapha nuam hi.
I sep I bawl na khempeuh ah Topa’n thupha hong pia ciat tahen!Amen
Khazih Sungah,
Pastor Kap Lian Thang, President
UMM of SDAs,
Pyin Oo Lwin
Kamlet: Sia Thangneu
No comments:
Post a Comment