Lt. Col. Pu Pau Khan Thang (Muizawl)Tangthu

Lt. Col. Pu Pau Khan Thang (Muizawl) Tangthu

 Lt. Col Pau Khan Thang (Rtd) pen Muizawl khua ateng, Pu Thong Za Kai (HatLangh) leh Pi Lian Khua Niang sungpan in 20.8.1926 in Mandalay khua ah suak hi. A mau unau tengin: Lun Za Cing (1. Thang Za Dal- 2. Neng Kap- Gualnam), Ciin Khua Lian (Khup Za Sawm – Thangum), Khen Do Cing (Khup Khual – Songput), Ning Khua Lian (Kam  Khua  Thang – Hatlangh), Gin Khua Cing (Thang  Khua  Kai – Hatlangh), Ciin Khan Cing (Son Kap Lian – Hatlangh), Khen Za Moong (Lun Khen Cing – Kazian), Pau Khan Thang (Niang Khan Niiang –Kawlte), Cing Za Don (Gin Do Lian – Gualnam) Zel Khua Lian (Vung Khan Niang – Suankhup), leh Lian Za Man (Thual Za Thang – Gualnam) te a hi uh hi.unau (11) ah a (8) na, unau pasal 2 na hia, 20.8.1926 in Mandalay khua ah suak hi.

A sangkah na teng tawh kisai in, kum 1935 in A.B.M Girl’s School Maymyo ah tan I, kum 1939 in Government Primary School Tedim ah tan IV, kum 1947 in G. High School Shillong Assam ah tan VII, kum 1948 kum in St. John Diocesan Boy’s High School Yangon ah tan VIII-X dong kah in hong ong toto hi. Kum 1949 in University of Yangon ah 1.SC Junior hong ong a, kum 1950 kum in St.Joseph’s College Durjeering India ah 1.Sc Senior na kah hi.  Kum 1951 in Yangon ah 1.Sc Senior ah siam sin in aom laitak 20.8.1951 in Burma Air force Cadet tawh hong lut a Flying Training School Hmawbi ah vanleng hawl hong sin hi. Kum 1952 Basiac Flying Training and Advanced Flying Training-“Above the Average” tawh gualzawh na hong ngah hi. Tua kum mah in Spitfire Conversion Course sin dingin Royal Air Force England ah, Harward Back Sead Landing sin dingin Far East Air Force Command Royal Air Force, Singapore hong pai hi. Kum 1957 ciangin Pualified Flying Instructor Course sindingin Royal Air Force England pai a, 1960 kum in Squadson Officer School siam sin ding Air University United State Air Force Base Alabama U.S.A ah tung leuleu hi. Kum 1964 in Command ah General Staff College kah dingin Kalaw hong tung a, 1965 kum in Fighter Controller Course sinding Royal Air force England leh French Air Force, France gam ah va zin leuleu hi. Kum 1969 in National Defence College kah dingin Yangon te ah pai kawi kawi hi.

 Kumpi nasep a sepna zia in: kum 1952 in Flying Training a zawh ciangin Graded Pilot (3) tawh No.1. Fighter Spuadron Hmawbi ah sep kipan hi. Zomi Fighter Pilot suak masa peen hi a, vanleng tawh galsim hong kipan hi.1953 kum in Pilot Officer (Second Lietenant; 1954 in Lietenant (captain) suak a, kum 1952 pan 1957 kikal in Naganaing, Bayinnaung, Yangyiaung, Aungmarga Major Operation leh Kawl gam sung tualgal te sim na ah mun tampi pai in 5 vei vanleng tawh a kiat hang in Topa Pasain kepna tawh hong suak ta hi. 1957 kum in flying Training School ah flying Instructor, 1960 kum in Advance Flying unit Myitkyina ah Jet Flying Instructor hong sem hi. 1964 kum in Major suak a, 1965 kum in Vice Chief of Staff (Air) zumpi Yangon ah Staff Officer grade II tawh, 1967 kum in No (7) Radar Spuadron Namsang ah Deputy Commander za leh 1971 in No(24) Radar Spuadron Hmawbi ah Deputy Commander sem in kum 1974 in Lieutlenant Colonel hong suah khit tak teh Hmawbi Air Force Base ah Deputy Base Commander suak in kum 1976 in Myitkyina Air Force Base ah Air Force Base Commander, cih bangin hong sem kawi kawi hi.

Pah tawina zong tampi hong ngah a, Sit Hmu Htan Taseik, Pyipah yanhneng Taseik, Pyitusit taik pwewin Taseik leh Sit Hmu Htan Kaung Taseik cih bang te hong ngah hi. Galkap sungpan Lt.Colonel za tawh 1979 kum in pension la ta hi. Kum 1977 in Mayanmar Socialist Lan Zin Party Baho Committee vuan Party Sekan theng tengzi Committee vuan leh Monywa Myone Pyithu Hlutdaw kusale dingin ki teel a hih manin Yangon ah makai hong sem in, 1980 kum in Ministry of School Welfare leh Ministry of Labour ah Dutijah vuanzi hi ta leh, kum 1983 in Ministry of Cooperative ah Duthija Vuanzi ahi zong, kum 1985 in Ministry of Social welfare Ministry of Labour ah Dthija vuanzi suakin na hong sem hi.

Kum 1980 pan in Kawlgam sungah buaina hong om kum 1988 sungin International Labour Organization nyilakhan a (68) vei na leh (75) na te ah Myanmar Nyilakhan makai in Geneva, Switzerland te ah va pai hi. Kum 1984 in Foreign minister pa Chitkyiye kusale tawh Malaysia leh Philippines te ah a phwewun in zong pai hi. 1986 kum in all China Federation of Trade Union te sapna tawh Myanmar Chitkyiye makai in Peking P.R.C ah pai a, Kawlgam sung buaina 1988 kum in hong om ciangin 18.9.1988 in a nasepna pan hong khawl a,  at ate (5): Niang  Khua  Zam (Ko Tin Win – Kawlte), Cing Za Lian (Zaw O Lwin-),  Zam Sian Niang (Aung Kyi-), Lian  Ngaih  Lun (Thein Soe), leh Kai  Khan  Lian  (Cing  Khan  Lian –)  leh a tut e (10) tawh Yagon ah teng uh hi. 

(Siksan; Col Khen Za Moong (Rtd) “Muizawl Innkuan li”)