Pianna Nu or Pa
bang ci kep na hiam?
Paikhiatna 20:12 “ “Topa na Pasian un note hong piak leitang
tungah na khan uh a sau theih nadingin na nu le na pa uh zahtak un.”
A pa a sihkhit ciangin a tapa in a nu tek kiangpan taikhia dingin hong khensat hi.Khat veivei hawh zel zel sam hi. Hun hong sawt sim pian ciangin pi teek khat kiangpan phone hong ging in na nu gim lua hi hong pai in ci in hong sam hi.
A tapa zong hong paipah in a gim mah mah a nu, lupna tung a
lum hong en hi. Tua leh a tapa in Nu? bang hong sep sak thei ding ka hiam? ci
in hong dong hi. A nu in dawng kik a,
inn sungah pangka (fan)omlo a hihman in vabawl sak in bek tham lo in
antang zong va leisak in an ne lo in ka lup hun tam vei mah mah hi. Tua leh a
tapa in lamdang sa in Nu, nang khat vei zong ong gen ngei kei si cia? tun nang a sawt lo a na sih ding ciang bang
hang hi te hong gen pan pan na hiam?
A nu in kong it ka ta aw bang mah lunghi mawh ken ken natna,
satna, gilkialna tawh na gel thei lai ingh. A hih hang na tate in nang hiteng ong puak uh ciangin nang
leh nang kei dan a na om theih loh ding ka dah hi ci in dawng hi.
Nang leh kei in ih nu, I pa te I pi te, I pute, I u, I nau
te tungah bang ci bangin I gamta hiam? Midang te tungah gamtatna, kampauna te
thupi leh thukhual in I nuam mah mah thei a, I nu leh pa tungah e? na sanggam u
leh nau tungah e? na ni, na gang, na ta nau te tung ah e? midang te tungah I
bawl zah ciang bek, I innkuan pih te tungah I bawl zo maw? Matthai 7:12 “Tua ahih manin note tungah hong kibawl ding
na deih bangun midangte tungah na bawl un.”
Na hoih a sem zo ding, thupha a hi thei dingin I biak Topa’n mimal nuntak na ah na hong sem tahen!Amen
Thangneu
Ygn
No comments:
Post a Comment