Pawlpi phuatna tawh ki sai EG White

Pasian nasepna dingin Pawlpi ki sam zen2 hiam? cih tawh ki sai in Tawmno cik su'n khiatna
*************************************************************************
SDA kipawlna phuat ding vai tawh kisai in Pasian na sepna dingin ki pawlna ki sam zen2 hiam? ki pawlna, pawlpi in gupna hong pia lah hi lo a, SDA tawh ki pawl tek2 ta se kei leng, Pasian na ki sem thei lo hiam? ci in a dong om zel zel a hih manin Kamsangnu i genna tawm hong hawm sawn nuam ingh.
Ellen White in "pawlpi mi ki tam sem sem na tawh ki zumi-in ki pawlna khat i phuatloh pha mawh ding hi. Tua hi kei leh buaina hong om in nasep na ki gualzo lo ding hi. Gam mial phut na ah panpih zawhnang, Pasian na sem sia te panpih zawh nang, hutzawh nang, Pasian na sepna, pawlpi leh pawlpi mi cingtak lo te leh pawlpi' neihsa a sutnuam, a humnuam te khutsung pan dal nang, leh a dang lai hawm tuam2 teh thoh zawh nang ci in hanthotna na pia in ki pawlna ki phuan a hihi."

Ki pawlna pawlpi tawh kisai in ei leh ei in ki sem thei lel lo hiam cih tawh ki sai in mimal a Pasian na sem sia pawlkhat i mitmuh in Zomi sungah om kawi2 ta hi. Tua te mah in zong min leh puam mah in vawh in tua tawh na hong sem to2 uh hi. Bek thamlo in na sepna tuam2 NGO te na ngawn in ki pawlna min leh ngimna, geelna, mungtup, thukhun, cih te a ki pan nei ngek2 uh a, tua bang a nei lo ki pawlna pen a kisia baih ding ki pawlna hi pah lel hi. Tua manin ki pawlna, Pawlpi tawh ki zopna te lunghiang huai hetlo hi. Tua bangin pawlpi tawh nasep khop ding a lunghiang te pen liim leh vang, mi'n deih bek a na sem nuam te hi zaw hamtang ding hi cih pen i phawk siam ding ki sam hi.
Lungdam i vek pi in Happy Sabbath!