“Pasian in Nang a dingin Geelna nei hi”

“Pasian in Nang a dingin Geelna nei hi”

 “Pasian in nang a dingin gelna nei hi” cih tawh ki sai tawm khat khong hawm sawn nuam hi.

Khat vei lai-in papi khat, tembaw tawh khual hong zin hi. A khual zin zawh kal khat bang hong sawt ciangin zan kim zingsang lam nai nih kim ciangin tuihual hat in huih pi hong nung in a tembaw uh sem gawp a, tuihual in a tembaw uh vat kham mang in tembaw sing te a bek bek in hong ki thehthang mangin a mah zong tua singbek khat len in tua tawh tuikhulh neu khat hong tung hi. Tua tuikhulh ah a pai kawi kawi ciangin pai nang mun dang om vet lo a hih ciangin hehlua mah mah in Pasian hong ko gawp hi. Singkuang tawm tawm cih loh na dang bang mah om lo hi. Mundang pai nang lah om tuan lo a hihmanin  sepding dang nei tuan lo in ni sa a hih man in nisa dal nagn in singhiang, singteh te khawm in buk no khat lam hong ki pan hi. Nitang dal zo tuan lo a hih manin a hehsuak in Pasian kiang ki ko in Pasian hongsamsia gawp leu leu hi. Singteh, singhiang te khawm behbeh in hong dal dal in kha khat bang hong cing ta hi. Tua leh nitak naisagih pawl in khat vei huihpi leh guah pi hong ki thuah in guah hong zuziah2 hi. A mah zong heh lua mah mah in vantung lam nga to in Pasian hong samsia leu leu hi. Nang hi dan a ka om ding na ngawn ong deih sak lo in hi bangin hong bawl sia beh beh lai ding na hiam? Ci in ki ko hi. Kawt gawp sa in singkung pi khat hong bel hi. Tua leh vanging in kek hong kia a, a bukno kek in kha in mei nak pi in khu a, mei hong kuang ziah2 hi. Meikhu ki zial to ziahziah in mei san nau nau in hong kuang in a bukno hong kang tum hi. A mah zong nasa lua in nakpi tak in awng in Pasian hongsam sia leu leu in Singhawm khat ah hong ih mu hi. Tua leh zingsang naiguk le lang kim ciangin Tuipi palik te tembaw horn hong ging ziah2 in a ma lam zuan in hong pai uh hi. Tua mipa in  tuipi tungah mihuh na sem palik te kiangah “no hih tak ah ka om lam bang ci theih na hi uh hiam? Ci in a dot leh Palik te in “Zan nitak in mei nahal , meikhuu leh a kuang ziah2 ka mu uh a, a beisa kha khat lai a tembaw ki bung tung pan a suak ta a hing lai om hi ding hi ci in kong zon uh hi ci in hong dawng uh hi” tua ciangin tua mipa in vantung lam hong nga to in Topa aw zan ni tak in nang ka bukno, no suk siat sak a, vanging kekkiat na tawh ka bukno nong halsak man in hehin kong samsia, kong ko gawp kha hi. Tua te hang in  tun kei ka inn tak2 a tung ding hita ingh ci in Topa Pasian tungah lungdam hong ko hi.

Tu a khualzin mipa bangin hih I leitung khualzin na ah haksa na tampi, a ki bang lo a mi leh a mun tawh ki zui in ei a ding ciat, ei thuak ciat haksatna, I thuak tek ding hi. Khat vei vei ciangin I biak Topa Pasian nusia in I taisan kha thei zel hi. I samsia kha thei zel hi. Lungzin na, lungkiatna, meipi, guahpi in hong tuam kha zel ding hi. I innkuan sung, I pawlpi sung, I khua sung, I u sung, nau sung ah haksat na tampi I thuak kha ding hi. Hih pen leitung khual zin na hi a, I inntak tak a tung nai, I hi kei hi. Hih haksatna tungtawn in I biak Topa’ in I inn tak tak ah hongsam nuam hi. I inn taktak hong tun nuam hi. I leitung nuntakna, I khualzin na haksa samah mah kha ding hi hang. Kei a haksa pha deuh zong ci kha dign hi hang. A hi zongin Topa’n nang leh kei a dingin geelna nei hi. A kisia thei leitung bukno, I bukna, pak dan a hilo, a kisia thei lo I inn tak tak hi Van innpi ah Topa’n hong puak nuam hi. I biak Topa Pasian nang leh kei a dingin zekai lo, manlang lo, in a hun lian in nang leh kei a dingin a kiging sa in om hi. Topa tung’ I upna I muanna koih ciat ni. Topa’ tung I haksana te suan ciatni. Matthew 11:28 “Vangik pua a gimmi te ka kiangah hong pai un tawldam na kong pia ding hi” ci in a hongsam I biak Topa Pasian a hihi. Nang leh kei a dingin Topa’n ngelna nei hi cih mimal kimin I nuntak na ah I phawk ciat theih nang Topa’n thupha hong pia tek tahen!Amen

Lungdam,

Thangneu

ygn