Nuntak na ah a thupi na te masak in

Nuntak na ah a thupi na te masak in

Thu ngaih sutsiam mah2 professor pa khat in sangkhan sung a sabuai mai ah van tuam2 pawl khat tawh hong ding hi. Sang hun a ki pat ciangin pau vet lo in Um(Jar) a gol sim pian a hawm khat ong la in suangtum neu tawh hong dim hi. Tua khit ciangin Professor pa in a sangnaupang te kiangah hih bel a dim hiam? ci-in dong hi. Sangnaupang te in dim mah ei sia ci-in dawng uh hi.
Tua khit ciangin professor pa in suangtang neu pawl khat, a sun beh leuleu khit ciangin a sangnaupang te kiangah hih bel a dim hiam ci in dong leu2 hi. Sangnaupang te in  dim mah ei sia ci leu leu uh hi.
Tua khit ciangin Professor pa in sehnel bung khat  sun beh leu2 in, Hih bung a dim nai hiam ci-in a dong leu2 hi. Sangnaupang te'n dim mah ei sia hong ci zai uh hi. Professor pa in tu in kong gen nop in Hih Um(Jar) in nuntak na limla hi. Suang tum te pen a thupi mah mah van te hi a, tua te in na innkuan pih te , na zi na pasal,  na cidam na , na ta te uh hi-in na khempeuh na sum phial zongin hih te pen, a om den ding nate hi a,  thupi mah2 hihi.Suangtang neu te pen na na sep, na inn, na motor cih te hi in  Sehnel pen na neu neng2 te hi lel hi. Hih Um(Jar) sungah sehnel koih masa lecin, suangtum te suangtangneu te a' dingin mun awng nawn  dinghi.Tua mah bangin na hun leh na tha tang te na neng2 a dingin na zat masak le na nuntak na a ding, a thupi na te sep nang' hun le thatang na nei nawn kei dinghi. Na nuntak na ah a thupi na te tawh lungnop sawm in. Na tate tawh ki mawl in Na zi na pasal tawh hunnuam zang khawm inh. Na na sep hun in sem in na inn, na lo hah siang inh. Suangtum te don masa, hunpia masa inh. Na masak ding na te gual in sem in, tawlngak na in seh nel bang hi lel hi.