Gualzawhna Thusim by Sia Khup Khen Thang

Aungla Nsang

Gual-lelhna icih pen atawpna hilo hi. I gualzawhnop leh gual-lelhna I phut-tan kul hi. Kei pen hitak a om, note sangin a tuam diak hi tuan lo hing. A hizongin Pasian tawh kop in hanciam lehang, lelh ding bangmah om lo hi cih phawk ni. Hih mi-lim na muh uh ciangin , dukadaung veng neu khat pan in akhangkhia khat in Russia mi, Japan mi te zo ziahziah thei hi cih na ngaihsut ding uh ka deih hi.

Gualzawhna pen baihtak in kingah lo hi. Hanciam kul, lungsim khauhkul hi. Hih kitup-kimawlna ah ka kimawl zawh, kum 14 aval khit 2017 teh gualzawhna ngah in One Championship World Champion asuak pan ka hihi. Ka gualzawh ma hun sungteng in lunggimna, taksa natna, liamna leh sisan luanna te ka thuak hi. Sum tawm cik cik bek ngah in ka zatna lah tam mah mah hi. Ka kimawl na ah 10 vei ka lel hi. Ka lelhsial in na kasa mahmah hi. A hi hang in hih gual-lelhna pan bang pilna le sinna ngah ka hiam cih leh cikmah hunin lungkia ngeilo ding cih a hihi. Kei aa dingin Pasian in gualzawhna hong koihsak sa ahihi. Lungkia lo in hanciamna le cihtakna tawh ilak ding bek kisam a hihi.

Pa’ khat ka hih khit teh, pa din mun, pa te ii itna, ka telsemsem hi. Pasian in zong,  ei, atate, na khempeuh hong pia dingin abaihsa in om hi. A hizongin en hanciam in Pasian I up ding kisam hi. I nuntakna ah gual-lelhna cih bel a om ding mah hi, gual-lelhna, I thuah teh lungkiat loh ding a hihi. Cihnop na ah gual-lelhna pen a tawpna hi lo hi. I gualzawh nop leh gual-lelhna I kan tan loh pha mawh hi.

Azenzen in ka nuntakna ah hih kimawlna kum khat bek a ki mawl hi leng, bang mah kasuak kei ding hi. Kum 5 kimawl leng zong bang mah ka hi nai kei hi. Kum 12 leh kha 5 ka kimawl hang zongh, bangmah ka hinai kei hi. Kum 12 leh Kha 6 ka kimawl teh, leitung ah champion cih ngah in aciam kha pan ka hihi.

Tua a hih manin kum 12 val kimawl khit, hanciam khit the, gualzawhna ngah pan cih pen pilna le sinna hoih mah mah khat a hihi. Ei te zong I gualzawh nop leh tu laitak tawm vei nopsak nate zong lo ding hi hang. I gualzawh nop leh khamtheih, guihtheih, zatepna cih te pelh ding, nak thupit mah mah hi. Tawmvei nopsakna bek na ut leh, gualzawhna kingah ngeilo ding hi. Gualzawhna cih pen baihno tak in ki ngah mawkmawk lo in hong daltan thei, ahoihlo na khempeuh pelh in hanciam kul hi. Lungsim khauhna leh hanciamna tungtawn in Pasian in thupha hong pia ding hi. Hih pen kei mimal ii  sinkhak thu a hihi. Topa’n thupha hong pia tek tahen!Amen.

(Aungla Nsang in Myikyina ah ama lim honpawi ah athugenna pan kamlet a hihi.)