KA LUNGSIM HONG LAWNG KHA

By Khup Khen Thang

Hih tangthu in ka lungsim hong lawng kha peuh mah a hih manin ei lai tawh ka hih theih zah in hanciam in ong hawm sawn kik ingh.

Tuma kum 20 kim lai pawl in California state ah Church Pastor pa khat om hi. A pawlpi sungah a mawk tat a pak tat nupi khat om in a pasal te nusia ziau2 buai na bawl den, pasal ziau2 in om hi.

Tua leh Pastor pa in Counseling pia dg in va hawh a, inn sungah lut tak ciangin nupi nu in na kawi sawm, na nap sawm a, Pastor pa in ken zi nei ingh. Hih dan hoih lo hi ci in a nial leh nupi nu heh in pu suah san vingveng hi. A sawt lo in a mau Union Conference makai pi te kiangah nupi nu va pai in hotel ah zinmuak na sem khat zongh tonpih hi.

Tua leh Union conference makai pi pa kiangah ka Pastor pa in ong om pih den hi hotel ah ong giah pih den hi ci in gen a, den a hotel zinmuak pa kiangah hi mah lo hiam ci in nupi nung in dong a,  hotel zinmuak pa in hi mah hi. Ong giak khawm pah2 uh hi ka hotel uh zangh mah hi ci in gen hi.

A sawt lo in Union Conference makai pi tengin committee khawm uh a, Tetti zongh a hih manin bg cih dg ci in a ki kup tak uh ciangin Committee thukim na tawh den a Pastor pa, a siampi za lak khiat sak in a na sep tawp sak uh hi. Pastor pa zi in a theih tak ciangin heh lua in Pastor pa, a inn pan hawl khia hi. Pastor in tawm khat ong pausak dih in a cih hang in a zi in nasa lua in Pastor pa hawl khia in a man pasal dang neih san hi.

Pastor pa zongh Pastor sem khin sa na dang sem thei tuan lo a hih manin gam nawl khat ah huan bawl in om hi. Kum pawl khat hong cin khit ciangin den a nupi nu motor accident in si dek in zato ah hong om  hi. Nupi nu zongh si ding hita ingh a, ka mawh na ka pulak kul dg hi ci in Union Conference makai pi pa phone set in kei tua nu tua pa hing.

Ka Pastor pa un counseling ong pia dg a, ong pai ken ka nap sawm a, ut lo in ki khem khia a hih manin ka hehsuak lua in hotel zinmuak te sum golh pia in ka tetti dg in ka zawn a, Pastor pa in ong om pih pih hi cih ka gen kha hi.  A mah mawh lo hi. kei ma mawh na hi ka mawh na ong mai sak un ci in kap kawm sa in thuum a, Union Conference makai te zongh a thak ki laih khin uh a hih manin minutes  file te a et tak uh ciagn in mu uh a, den a Pastor pa, a siampi hih na za pia kik in na sep zongh pia kik dg ci in hong khen sat uh a, Pastor pa koi ah om hiam ci in hong zongh2 uh in den a Pastor pa huan bawl na ah hong mu uh in Union Conference makai te in Nang mawh lo na hih manin na siampi za hong pia kik ungh. Na sep zongh ong pia ungh ci in a gen tak uh ciangin den a Pastor pa in ka siampi za bel ngah kik mah ingh a hi zongh in ken ka zi cik the ngah kik nawn dg ka hiam?  

A man pasal dang nei khin ta hi ci in dawng kik hi. A zi pen pawlpi member elder khat tawh ki teng uh hi. Thu man tak in a ki khen sa uh a hih manin a zi zongh mawh tuan lo hi. A zi zongh SDA  mah hi. Pastor pa zongh SDA pastor mah hi. Bang ki sam hiam? Kua khialh na hi ding hiam? Hi dan, tu hun ah I innkuan sung, I pawlpi sung, ki pawl na sungah a om kha diam? Ka siampi za ngah kik ingh a hi zongin ken ka zi cik ciang ngah kik ding? Cih dot na, nang leh kei ong ki dongh leh bang ci bang in I dawng diam? Tu a tawh ki bang tuam2 I na sep na ah bang teng a om kha diam?

I pawlpi sungah bang teng a om kha diam?

Thu ngen in ki ap ciat ni…..Topa’ Khasiangtho in mimal khat ciat I lungsim hong lawng tahen!Amen

Lungdam,

Saya Thangneu