Innkuan Sung Bangci Control

Innkuan Sung Bangci Control 

 Khat vei lai-in Pastor pa khat in biakinn sungah innkuan nupa ki lem na thu gengen hi. A tawp na lamciangin Pastor pa in, hih lak ah nupa ki tawng ngeilo na om uh hiam? na om uh leh khut ong lam un ci in dot na dong hi. Tua leh a nung lama nupa kop khat in khut lam a,Pastor pa in zongh lamdang sa in ka dot na tel lo-uh a hi tam maw? ci in khat vei dot na dongpha hi

Nupa te in khut lam vive a, a tawp ciangin Pastor pa in va dongin no ki tawng ngeilo na hi uh hiam? a cih ciangin nupi nu in he kitawng ngei kei ungh ci in dawng hi. Pastor pa in tua leh bang hang in ki tawng lo in om thei na hi uh hiam? ong gen in ci in dong hi. Tua ciangin Nupi nu in gen a, ka ki te'n un biakinn pan in ka inn uh ka ciah uh a, Sakol tungtuang kawm sa in ka nupa un kaciah uh hi. Biakinn pan in Sakol tawh nai khat kim pai na hi a, lamkal ah ka Sakol un, nisa sa lua in ong khawl a, ka pasal tuak suk in Sakol en a, Khat(one) ci in a gen leh Sakol pai kik hi. Nupi nu in lamdang sa mah mah hi. Tua leh nisa lua mah2 a hih manin Sakol khat vei ong kawlcip leu leu a, A Pasl Sakol tungpan tuak suk leu leu in Nih(two) ci in sim leu leu hi. Sakol zongh pai leu leu a, bang hang in, Sakol in Khat, Nih cih thei ziau a hi tam? pil si..ci in ka ngaih sun hi. Tua leh khua tun madeuh, ki gal muh ta in tua laitak ah Sakol ong khawlcip leu2 a, Ka Pasal tuak suk in, A thau (pistol) la in kap lum ziau hi. Tua leh a zi in bang hangin that na hiam? ei hi pan bang tawh ciah dg, I van te bang tawh pua ding ka cih leh ka pasal in Khat(One) ong ci a hih manin tua a ki pan in ka ki tawng nawn kei uh hi ci in gen hi.

Hih thu na bang ci muh a?