Corona-virus (Covid-19) leh Zeisu' Kumkikna Lamen Te by Pastor Kap Lian Thang

Corona-virus (Covid-19) leh Zeisu' Kumkikna Lamen Te

By Pastor Kap Lian Thang

Zomi Version    : Saya Khup Khen Thang

Pasian pen tangthu ii pu ahihi. Mailam thu zong athei Pasian ahihi. Tangtawng pan tuni ciangdong, mawhna tawh kidim leitung a uk te pen  ki-ukna leh thuneih nopna tawh buai in mite, khah kong lo in a that lum den uh hi. Bangbang ngimna nei in hanciam in gal ado zongh un, ahun uh abei ciangin, kumpi dang khat, Pasian in koihto denlel hi. Hi bangin ukna anei, akhauh kumpi te khat le khat kido na ah, thu um mite in anuntakna uh beilawh den hi. Thu um mite ii nisim nuntakzia kikhelna hangin haksatna ii thuak the, khalam taksa lungkia in aom lohna ding un, kamsang te’ tungtawn in Pasian in hilhkhol den hi.

Nidang in apian ngei mah bangin 2019 kum bei pan in Adventist pawlpi mite akipan leitung bup in hih Coronavirus(covid-19) zavat pulnatna kizelhna hangin gimna kithuak mang hi. Hih zavat pulnatna pelhtheihna dingin pawlpi tuamtuam pan pawi tuamtuam, vai tuamtuam te, ciangtan omlo in kikhin hi. Hi bangin lemlohna tampi ih tuah khak ciangin khat leh khat kimawhsak bek tham lo in Pasian tung nangawn ah hehna ding baih mahmah hi. Hi bang hun haksa ciangin Sawltak Paul in “Nate khempeuh ah  Topa’ minphat in” acih thapiakna kammal pen ei Adventist pawlpi mite aa dingin kidalna zatui hoih mah mah khat in I zat theih ding kong thapia nuam hi.

          Hih zavat pulnatna hangin kalungsim ah hong om thu khat in “U Ye Kyaw Thu” acih mipa in facebook tungah a at lakam khat ahihi. Tua lakam pen “Ataktak in cileng, tu laitak in cidam damsak thei pastor te in, manlah liangin na asep hun ding uh hi a, tu in sunmang abang, cina damsak thei pastor te leh apiang taktak coronavirus hong ki muh tak teh, cidam kidam sak cih thadah, cina damsak thei sia te beimang khin uh hi. “Ta-na-kha cih pen khua-ul leh kisia ziau hi” acih tawh ki bang hi. Tua a hih manin hun nunung ah thu maan thu tak leh kamsang maan akizon nangin Pasian in Coronavirus(covid-19) zavat pulnatna phal hi ding hi ci in ka um hi.

          Tua ahih manin Topa’ lenggah huan ah nasep pih khempeuh te aw, hih I hun awng sungin khua hun tawh kituak, thu genna sermon te kiging khol in hih I tawlngak  hun hong bei ciangin kitha nop suah in hahkat in hanciam a, thugen ziahziah in effort te ihh bawl ziahziah zawhna dingin tha-la ciat ni ci in kong thapia nuam hi. Hih haksatna kawmkal ah Topa aa dingin teci apang thei, atate ahi thei ciat dingin Topa’n thupha hong pia ciat tahen!Amen.

Khazih Sungah,

Pastor Kap Lian Thang,

President, UMM of SDAs.

Pyin Oo Lwin.