UKENG GUKTE' TANGTHU

UKENG GUKTE' TANGTHU 

Hun khat lai-in Ukeng (Uiphuk) guk in a nek ding uh a zong laitak in tuikhuk sungah hong kia uh hi. Ahih hangin a kiatna uh tuikhuk sungah tui tawm khat om lai ahih manin hong si lo uh hi. CDiang khia zo lo ahih man un, "Hong honkhia un" .."Hong la khia un" ci-in awng ngeingai uh a, a hih hangin kuamah in honkhia lo-in a tawpna ah tawl-lua gimlua ta uh ahih manin awng zo nawn lo uh hi.Tua ciangin.......

1.Ukeng khatna in: "Ei teng i nuntakna bei taktak ta ding hi! Hong honkhia ding zong om lo ka lunggim lua.." ci'n kap nena hi. 

2. Ukeng nihna in: "Kap nawn kei o lawm, nuntakna i cih pen hi dan mah hi. Lungkham kei in, a hun ciangin hong honkhia ding mi hong pai lel ding hi," ci-in la sa hithiat lel hi.

3.Ukeng thumna in: "Guahpite a uk Pasian aw, hong honkhia in! Na vangliatna tawh guahtuite tampi tak hong zu sak in. Guah tampi zu leh tuikhuk sung tui hong dim let dinga, kote a tung dong tung thei ding hi ung," ci-in thu ngen hi.

4.Ukeng lina in: Leitung khempeuh pen mawhsak na bekbek bawl ta hi.

5.Ukeng ngana in ngaihsutna khuak zang hi: "A tungah kahto leng a hoih tam? Kei ka kahto zo tam, ka kiasuk tam? Kia suk leng ka lawm ten kei hong nuihsan tam?" ci-in ngaihsun hi.

6. Ukeng gukna in: A om lai ukeng ngate a ciakciak laitak in tuikhuk dai penna mun panin diang toto in tuikhuk lai-zang ciang hong tung hi A dang ten, "Hong tuak suk in. Kia suk lecin si ding nai maw? Nang pen mihai nai ve..Bang cih kah to thei ding na hiam,?" ci-in a zahpih bawl hang un Ukeng gukna in bel buaipih tuan se loin ama' nasep mah hong zom toto lel hi.

Tuabang teng tawh nitak khuamui hun ciangin tuikhuk sunga Ukeng nga ten zong, " Hong honkhia un! Hong la khia un" ci-in awng themthum nawn lo-in dai dide uh hi. Tua hun laitak in tuikhuk tung panin khauhual khat hong kiasuk a, Ukeng ngate zong lungdam in, kipak mahmah uh hi.Tua ciangin Ukeng 6na in,"Kong khiatsuk khau hual panin hong kah to un. A pua lamah khuamui ding hi ta hi. Manlangin hong khahto mengmeng un," ci hi. Ukeng 6na pen hanciamna, citakna leh huhnate hangin tuikhuk sungah Ukeng ngate suakta in lungdam mahmah uh hi.

Ukeng gukte tangthu panin eite adingin a phawkhuai thu:

1. Ukeng khatna bangin olno takin a guallel baih mi hih sawm pah kei in.

2. Ukeng nihna bangin mi dangte huh ding bek hanciam loin om kei in.

3. Ukeng thumna bangin tui hong khan' ding lamen in ngakcip kei ni.

4. Ukeng lina bangin mawhsakna ding bekbek a nei mi hih sawm kei in.

5. Ukeng ngana bangin kimuanglah in mi' hong nuihsan ding bek lau in na hanciamna tawpsan kei in. 

6. Ukeng gukna bangin cihtakna, hanciamna a nei mi, lungsim thakhauhsak theihna a nei mi hih sawm in la, lawhcin'na, kamphatna na ngah khit ciangin zong a cimawhte huh ding mangngilh kha kei in.