Alibaba leh Guta Sawmli
By Sia Khup Khen Thang
Khatvei lai in Persia khuapi ah
phekzuak nasep asem mi khat in tapa nih
nei hi. A tapa u pen Qoassim hi a, a nau pen Alibaba a hihi. A pa sih khit ciang in a upa Qossim
pen huaiham ahih manin apa neihsa teng, amah bekin tangin nuamsa leh hau mah
mah a, a naupa Alibaba bang mah hawm lo a hih manin zawng mah mah in singtom,
singzuak nasep, sem in tua tawh kivak hi.
Khatvei gam mang tulak ah sing atom
laitak in sakol khe ging ziahziah galzak hi. Tua leh Alibaba zong lau lua in
sing pang khat ah bu hi. Tua leh guta mi sawm li te sakol tuang in suang
hawmpi khat ah hong pai uh a, Alibaba in zong bang hih uh hiam cih thei nuam a
hih manin zuisim khiankhian a, suangpi mai khat atun uh teh, suanghawm mai
ah guta bu pa in “Sesami” acih teh kongpi kihong hi. Alibaba in zong “sesame”
cih ciamteh pah hi. Guta te lutin suaitang aguk teng uh, suanghawm sungah khol
uh a, paikhiakik pah uh hi.
Tua leh Alibaba zong, suanghawm pi gei
ah pai in “Sesami” acih leh suangpi ki
hong a, asung alut ciangin suaitang vive
nate zihziah a, Alibaba in amuh ngei loh a tee ziahziah suai hong mu hi. A man
zong a puak khop ding a thung ip sungah guang in hong ciah hi. A inn atun
ciangin asuai teng, a zimai ah asun leh azi in banghang gu na hiam? A cih leh
ka guk hi kei, aki gu sa hi. Athu hong gen leng sau lua in teh ci hi. Tua leh
azi in bangzah pha hiam sim ni acih leh Alibaba in simzo kei ni. I u Oassim
te kiangah tawikhaina vakawm in ci hi. A zi zong pai in tawikhaina va kawm a,
a upa Qossim ii zi, pil mah mah leh ki hausak a hih manin bang tehna ding hiam
ci in dong hi. Tua leh Alibaba zi in singgah tuam tuam tehna ding hi ci in
dawng hi. Tua leh a upa Qossim zi in singgah hi zahzah tawiteh ding nei kei un
teh thusim khat nei uh hi ding hi ci in ummawh
a hih manin tawikhaina pen mawngnai zut hi. Tua leh Alibaba te nupa in zong a
suai tawi a teh khit uh teh tawikhaina pia kik uh hi. Alibaba zi in u aw, ei
hau lua ta mate, I deih bang bang lei ziah ziah ding nuam sing e ci hi. Alibaba
in sum zangh ziahziah, van lei ziahziah leng mi in hong thei ding I hih ciang
in tawm tawm in zangh zaw ni ci in kikum kei uh hi.
A tawitehna a piak kik uh pen a upa
Qossim ii zi Morgina in tawikhaina a et leh suai tang bang mu a hih manin apasal
Qossim kiangah Alibaba te in suai tawi teh uh hi, koi pan ngah uh hi ding hiam
ci in gen hi. A upa Qosssim zong, huaiham mah mah a hih manin koi pan a ngah hi
ding hiam ci in a kanding in a naupa Alibaba inn ah pai pah hi. Tua leh a upa
in ka nau Alibaba aw, na dam hiam? Hongit hong ngai a, hong hawh hing, bang
khawng na kisam hiam ci in a it leh a ngai lua bangin va ki thusiam sak hi. A naupa Alibaba
in nong khualna le nong itna hangin lungdam lua ingh u aw, bang mah kisam keng
ci in dawng hi. Tua leh a u Qossiim in nau aw, na suai te koi pan na lak hiam
ci in dong hi. A nau pa Alibaba pen thu dik le thu maan a hih manin in a thu
teng gen hi. Tua leh suangpi kong honna kamal “Sesami” cih hilh hi. A u pa in zong
lot ngah in a zingciangin va pai pah hi. Suangpi gei a tun ciangin “Sesami” a
cih leh ki hong takpi pah hi. A sung a lut leh van manpha tampi mu a hih manin
a huaiham Qossim nuam lua in suai te a van sung ah guang ziahziah in a van a
dim teh pusuak dingin hong pai teh huaiham lua leh nua lua a hih manin den a
kong hon na “Sesami” mang ngilh a hih manin pusua thei lo in, a sawtlo in Guta
mi sawm li te hong ciah a hih manin guta bu pan in dotna zong dong nawn vet lo
in that ziau hi.
Alibaba ii u pa Qossim a tun theih
loh lam a zi Morgina in Alibaba kiangah va gen hi. Alibaba in suang hawm ah va
pai in a u pa azon leh asisa in na om mu a, a sakkol pua sak in ciah kik hi. Inn
a tun teh a upa zi Morgina tei le pil a hihmanin asi ci pah leng hong thei ding
a hih manin a ci na ci ni in siavuan te kiangah zatui va lei ning ci in zatui
lei hi. Tua khit a zingciangin a u pa Qossim si ci in vui uh hi. A kivui khit ciangin
a u pa zi, Morgina in ka om nang om lo a hih man in Alibaba aw, na inn teng
dingin hong om sak in ci in ngen hi. Alibaba in zong a pil numei khat a hih the
om sak leng hoih ding hi ci in a inn teng in om sak hi.
Guta misawm li te a sakol uh tawh suang
hawm sung a tun kik uh teh, misi luang na om nawn lo a hih manin , I thusim ong
ki thei hi. Kan ding hi hang ci in khua kim teng kan uh hi. Khua sung siavuan pa kiangah tunai
in hih khua ah misi a om hiam a cih ciangin tunai in hia inn a te ci na in si
uh hi ci in dawng hi. Guta te in zong Alibaba te inn ciaptehna nei in zan teh
that ding ci uh hi. Alibaba ii nase nu Morgina in a inn uh akiciap tehna a muh
teh hi thu pen lau huai ding hi cih thei a hih manin khua sung bup inn
khempeuh, a mau inn kiciap teh bang in ciam teh hi. Zan ciangin guta sawm li te hong pai uh a, inn khempeuh a
kibang in kiciam teh a hih manin Alibaba te inn thei lo uh hi. A zingciangin guta bu pa in a inn uh en
pha in ciam teh a, sathau zuak ki neih in a inn vuah ni tak va tung hi. Sakol
sawm li leh sathau thambel sawm li tawh tung hi. Alibaba ii nasem nu Morgina in
hih sungah bang om hiam cih sit phot ni ci in sit hi. Morgina in thambel khat
bek ah sathau om in a dang teng ah mi a
om lam thei hi. An a piak ciangin zong guta bu pa khut sip le Alibaba khut sip
kibang a hih lam thei a hih manin lau huai sa hi. Zan ciangin Morgina thosim in
thambel khat a va bet leh thambel sung aa guta khat in bupa, Alibaba that
dingin hong pusuak ta ding maw ci in dong a, Morgina in na khawl lai pak vuau
ci in dawng hi. Morgina in zong tui suang sa meng meng in tui a so khit teh
tham bel khempeuh tuisa a buah mang khit teh lum kik hi. Tua khit zan kim
ciangin guta bu pa tho sim in a lawm te a phot leh na si mang uh a hih manin
lau lua in tai kek gawp hi.
A zingsang ciangin Morgina in
Alibaba kiangah thu piang teng gen a, Alibaba zong lungdam lua a hih manin nang
pen inn teng hi nawn lo in innkuan hi ta teh ci in a mau teng inn kuan nuam
mahmah hong suak uh a, Alibaba bek in suang kaw-hawm hon na “Sesami” thei a hih
manin a innkuan un suangkaw haw sung a, suai teng van manpha teng la uh a, hau
mahmah in nuamsa mahmah uh hi.
Moral Lesson: Alibaba bangin thu
maan thudik in om leng, nuntak nuam ding hanga, sihna ding pan zong ki pelh
thei in a upa Qossim bangin huaiham in ih u te I nau te nangawn khual kei leng, sihna ki thuak thei hi.
Source: English Fairy Tale
