Division
President ii Hong To na (A Challenge for Conference status by SSD President)
By
Pastor Kap Lian Thang
 |
| Pastor Kap Lian Thang President,UMM |
Division makai pi pa in Pasian nasepna tawh kisai in
mailam a mukhol makai picing mahmah khat a hihi. Yangon Section, South-east
section leh Upper Section te ii sum lut sum pusuak hong et takciang in
Conference in ding ngam ta buang lo ding maw? ci in Union EC ah hong to zelzel
hi. Hih hong to na in nial theih loh thu maan khat a hhi. Tua thu man in
Conference in I din leng, Pasian nasepna hong manlang zaw ding hi cih a hihi.
Conference in I dinna hang tawh bang ci bang in
Pasian nasepna khangto ding hiam ci in dotna hong om thei hi. Gentehna khat le
nih gen le hang, Sawm ah khat (Tithe) ii za ah sawm li (40%) pen tungsiah puak
ding a hihi. Tukum 2019 January kh pan September kha ciang I ngah zah ii 40%
pen 306,770,915.14 a hihi. Tungsiah pan I ngah (appropriation) pen
83,086,127.00 a hihi. Conference in a ding hi le hang Sawm ah khat leh sumpi ii
40% tungsiah ah I puak det ding hi a, tua pen gam mial phut nang ngiat in
kizangh ding a hih manin kikhangto ding a hihi. EC Committee te ah pawlpi mi
kusale hong tam zaw ding a, pawlpi mite leh siate khat leh khat ki control na
hong hoih to ding hi. Nasep thadah a, mawk om om cih hong om thei nawn lo ding
hi. Ki apna hong om zaw in hanciam na tawh Pasian nasep hong kisem zaw ding a
hih manin kikhang to zaw ding cihna a hihi.
 |
| Pr.Dr. Saw Samuel, President of SSD |
Conference in din zawh na dingin pawlpi mi khempeuh
lungsim taksa, I hanciam zawk kul ding a, khalam picing le thahat ding hong
thupi mahmah ding hi. Lungsim, taksa, kha lam tha hatna teh ding a haksa mahmah
ta zongin gentehna tawh gen le hang,
minam ki deidanna, mimal tuam gupna, mun le mual a ki tuam khen na, cih te om
lo in sak le khang, nisuah na, nitum na cih te deidan om lo in i vekin kihel
kim I hih na I tel kul hi(Galati 3:28). Upna lam ah zong, hat zel, thanem zel cih bang i hih loh
ding thupi mah mah ding hi. I nuntakna
ah bang bang haksatna hong om ta mah leh singlam teh bek mah mitsuan in upna
hong kisittelna hi cih in upna I kipsak sem sem ding thupi mah mah hi (1Peter
1:6, Isaiah 48:10, Zechariah 13:9).
Pasian tuu te acing a kem a nasem te in lungsim
taksa tha hat in kha tawh I kidim ding
kisam mah mah hi. Upna tawh kidim cih ciangin upna ii pa kici Abraham thu I gen
kul hi. Abraham ii innkuan sungah to ta ding thukhun khat, sila tading thukhun
khat cih bang, a om loh mah bangin mi
zawng, mi hau cih deidan loh ding kisam hi. Abraham in kua mah deidan lo in a
kibang in mi hehpih hi(PK 198). Nasep ding tavuan pan mun, hun bei in hong
kiteel kik kei phial leh zong, hong ki
hem khia hi ci lo in Pasian nasepna, amazan theih na dingin kikhelna kisam hi, cih
theih ding kisam hi. Omna mun a kikhel a om leh zong, Pasian nasepna ah kisap man hi , I cih theih
ding kisam hi. Guu tuibuak buak batna a hi, sia tuam neih, mi tuam neih cih a
om loh ding thupi pen hi.
 |
| Pastor Ted Wilson his team (President of GC) |
Leitung bup lai at pi pa Pr. Dr. GT Ng in 2018 kum
bei meeting ah a thu genna ah UN ciamtehna ah leitung gam 235 a om lakah gam 213
ah SDA kilut khin hi cih pulak hi. SDA om nailoh na gam 22 kisam lai hi. Tua
manin Conference ah a ding to zo hi le hang, gamthak phutna ah ei hong ki huh
tangin tua bang gam aa dingin ki huh zo zaw ding a, Pasian nasepna kizel baih
zaw ding ahi hi. Conference ah din na in pawl thak phuat bang, ei le ei suak ta
cih hilo a, tungsiah pan huhna la lo in tungsiah ah Pasian nasepna dingin panpih
to zaw cih na bek a hihi. Bang hang hiam cih leh Conference piak huai leh piak
huai lo cih pen Division leh GC pan in Conference din theih na ding zia a kisam
teng policy tungtawn pan in hong en hong sit ding a hihi. A hizongin a lungdam
huai thu khat in laivuan ciangin matza ngah ding ci in a kikoih hangin
gualzawhna mat pen za ah mat sawm li, i ngah leh laivuan na ki gualzo a hih mah
bangin Conference ngah theih na ding,
kisapna tuam tuam a om zongin avekin I kim zawh teh ki pia pan ding cih hi tuan
lo a hih man ahihi.
Hih lai a sim pawlpi mimal khempeuh, I mit ki hongin
kha tha hat na in nei ciat ta un ci in thu kong ngetsak hi.
Khazih
Sungah,
Pastor
Kap Lian Thang
President
UMM
of SDA
Pyin
Oo Lwin
Kamlet:
Sia Thangneu
